Senedd Caer Elen

Yn dilyn trafodaethau gyda Senedd yr ysgol ynglyn â dyluniad logo’r Senedd, gweler isod y dyluniad terfynol. Diolch i Mr. L Barrow am fod yn gyfrifol am y gwaith dylunio a diolch hefyd i aelodau’r Senedd am gyfrannu eu syniadau hollbwysig.

 Beth yw’r Senedd Ysgol?

Mae Erthygl 12 Confensiwn y Cenhedloedd Unedig ar Hawliau’r Plentyn (CCUHP) yn dweud y dylai plant a phobl ifanc gael dweud eu dweud mewn penderfyniadau sy’n effeithio ar eu bywydau.  Mae’r Senedd ysgol yn ddarparu ffordd ystyrlon i ddisgyblion leisio’u barn ac i’w barn gael ei hystyried a pharchu mewn penderfyniadau sy’n effeithio arnynt. Disgyblion yr ysgol sy’n cael eu hethol i fod yn aelodau’r Senedd ac mae’r Senedd yn cwrdd o leiaf 6 gwaith y flwyddyn i drafod materion Ysgol gyfan, er mwyn sicrhau bod llais y disgybl yn cael ei gynrychioli wrth i’r ysgol ddatblygu a gweithredu polisïau newydd a nodi blaenoriaethau ar gyfer gwelliant. Mae’r Senedd yn rhoi cyfleoedd i’n dysgwyr drafod materion sy’n ymwneud â’r ysgol, ac i gyflwyno sylwadau i’r corff llywodraethu a’r pennaeth. Mae’r Senedd yn gyfrifol am nifer o bwyllgorau. Gweler ein tudalen 'Pwyllgorau Ysgol'. 

Blaenoriaethau 2024-25

Un o flaenoriaethau’r ysgol yn ystod 2024-25 yw i adeiladu a chryfhau llais y disgybl o few ein hysgol, ac i sicrhau ei fod wrth wraidd ein penderfyniadau a’n darpariaeth. Credwn yn gryf mewn sicrhau bod ein disgyblion yn cael dylanwad gref ar sut mae ein hysgol yn datblygu. Gall disgyblion gwneud hyn trwy nifer o ffyrdd, megis, holiaduron yn ystod y flwyddyn neu ymuno ag un o’n pwyllgorau. Senedd Caer Elen bydd yn arwain ar hyn, ond atgyfnerthir gwaith y Senedd gan ein pwyllgorau.

Gwefan Senedd Cymru: 

Senedd Cymru yw’r corff sy’n cael ei ethol yn ddemocrataidd i gynrychioli buddiannau Cymru a’i phobl.